Germaniyaning BMW avtokonsern 2015 yilda avtomobil sotish bo‘yicha yangi rekord natijani qayd etdi. Bu haqda MarketWatch nashri xabar tarqatdi.

Manbaga ko‘ra, 2015 yilda konsern MINI brendi ostidagi mashinalarni ham qo‘shib hisoblaganda 2,25 mln dona avtomobil sotgan. Natijada savdo hajmi o‘tgan yilga nisbatan 6,1 foizga o‘sgan. 2014 yilda kompaniya 1,9 mln dona mashina sotgan va bu 2013 yilga nisbatan 6,2 foizga ko‘proq ko‘rsatkichni tashkil qilgan.

BMW mototsikllarining savdosi 11 foizga oshgan bo‘lsa, Rolls-Royce lyuks avtomobillari savdosi 7 foizga kamaygan.