Қўшимча функционаллар
-
Тунги кўриниш
«Уйда ёлғиз 2» фильми режиссёри Трампнинг қасосидан қўрқишини айтди
Крис Коламбус фильмдаги Доналд Трамп билан боғлиқ саҳнани кесиб ташлашни орзу қилишини, аммо Америкадан ҳайдаб юборилишидан қўрқишини таъкидлади.
Фото: Ron Galella
1992 йилда «Уйда ёлғиз 2: Нью-Йоркда йўқолган бола» комедиясини суратга олган режиссёр Крис Коламбус фильмдаги Доналд Трамп билан боғлиқ саҳнани кесиб ташлашни орзу қилишини тан олди. Бироқ у АҚШ президенти қасоси ва мамлакатдан депортация қилинишидан қўрқиб, бу «тавқи лаънат» ва «оғир юк»дан қутула олмаслигини айтди.
«Агар буни қилсам, эҳтимол, мамлакатдан чиқариб юборилишим мумкин. Қўшма Штатларда яшашга яроқсиз деб топилишим, сўнгра Италияга ёки бошқа жойга қайтишга мажбур бўлишим мумкин», деди 66 ёшли режиссёр San Francisco Chronicle нашрига.
Фильмда Доналд Трампнинг эпизодик роли 7 секунд давом этади. АҚШ бўлажак президенти бош қаҳрамон ролини ижро этган Маколей Калкинга Plaza меҳмонхонасидаги лифтга қандай боришни бир оғиз тушунтиради. Шу даврда 46 ёшли Трамп кўчмас мулк соҳасида нуфузли магнат бўлган ва Нью-Йоркдаги энг йирик меҳмонхоналардан бирига эгалик қилган.
Коламбус журналистларга Трампнинг фильмдаги иштироки Манҳэттен марказидаги меҳмонхонада суратга олиш учун зарур шарт бўлганини айтди. Режиссёрнинг сўзларига кўра, Трамп ультиматум қўйган: «Агар мен фильмда кўриниш берсам, Plaza меҳмонхонасидан фойдаланишингиз мумкин».
Трамп 2023 йилда Коламбусни ёлғон гапиришда айблади. Республикачилар партиясидан АҚШ президентлигига номзодини қўймоқчи бўлган сиёсатчи сўзларига кўра, суратга олиш гуруҳи том маънода ундан фильмда кўриниш беришни «ёлвориб сўраган». Трамп сўзларига кўра, охир-оқибат бу лавҳа фильмга «жуда мос тушган».
The Guardian нашрининг қайд этишича, 1992 йилда «Уйда ёлғиз 2» фильми ҳақиқатан ҳам прокатда хитга айланди. 28 миллион доллар бюджетга эга фильм 360 миллион доллар йиғди. Шу билан бирга, ўтмишда Трамп лавҳасини фильмдан кесиб ташлашга уринишлар бўлган. Қисқартирилган версияси 2019 йилда Канада телевидениесида намойиш этилган.
Олти йил ўтиб, 2025 йил февралида Доналд Трамп ўзининг иккинчи президентлик муддатида Канада товарларига 25 фоизлик бож жорий этишини эълон қилди. Бироқ, шундан сўнг у икки марта қарорини кечиктирди.
Тавсия этамиз
Орол денгизининг қуриган туби йилдан йилга кўтарилиб бораётгани аниқланди
Ўзбекистон | 19:14 / 18.04.2025
АҚШ ва Хитой ўртасидаги божхона уруши: ким ютади?
Жаҳон | 12:46 / 17.04.2025
Япониядан Италиягача – пулли йўллар ҳақидаги таассуротлар
Жаҳон | 21:50 / 16.04.2025
Туркияга алдов йўли билан чақирилган вояга етмаган ўзбекистонлик қиз ватанга қайтарилди
Жамият | 17:05 / 16.04.2025
Сўнгги янгиликлар
-
Жисмоний шахсларнинг хориждан товар олиб киришига чекловлар кучайтирилди
Иқтисодиёт | 23:21
-
Тошкент ва Москва миграция жараёнларини тартибга солиш масалаларини муҳокама қилди
Ўзбекистон | 22:16
-
Тошкентда Gentra ЙПХдан қочиб, 10 дан ортиқ машиналарни уриб кетди
Жамият | 22:10
-
Москвадаги калтаклаш, танқидга учраган сертификация ва Андижондаги “радар овчиси” — ҳафта дайжести
Ўзбекистон | 21:35
Мавзуга оид
15:22
Хитой АҚШдан суюлтирилган табиий газ сотиб олишни тўхтатди
13:03
Сафини кенгайтириб олган ҲАМАС, Украина шаҳарларига ракета ҳужуми ва Суриядаги базаларини ёпаётган АҚШ — кун дайжести
11:33
Reuters: Эрон АҚШ билан янги ядровий келишув учун кафолатлар олишни истаяпти
08:35
Bloomberg: АҚШ Қримни Россия ҳудуди деб тан олишга «очиқ»
