Таиланд хорижий сайёҳларнинг мамлакатда визасиз қолиш муддатини икки баравар қисқартирмоқчи
Мамлакатда ноқонуний ишлаётган ёки бизнес олиб бораётган чет элликлар сони кўпайтган. Шу боис чет эллик туристларнинг Таиландда визасиз қолиш муддати 30 кунгача қисқартирилиши мумкин.

Фото: Bangkok Post
Таиланд ҳукумати чет эллик туристларнинг қиролликка визасиз ташриф буюриш муддатини 30 кунгача қадар қисқартиришни режалаштирмоқда. Бу ҳақда мамлакат Туризм ва спорт вазирлигига таяниб, Bangkok Post газетаси хабар берди.
«Таиландда ноқонуний бизнес олиб бориш хавфини камайтириш мақсадида мамлакатда визасиз қолиш муддатини 60 кундан 30 кунга қисқартириш режалаштирилмоқда. Бироқ қўшимча тафсилотлар ҳали муҳокама жараёнида», — дейилади хабарда.
Газетанинг қайд этишича, Таиландда ноқонуний ишлаётган ёки бизнес олиб бораётган чет элликлар сони кўпайтган. Бундай ҳолатларга қарши курашиш мақсадида Пхукет ва бошқа машҳур бешта курорт — Чиангмай, Паттая, Хуахин, Самуи ороли ва Бангкокда мунтазам текширувлар ўтказилмоқда.
«2024 йилда туризм департаменти 40 та компаниянинг лицензиясини чақириб олган, чунки улар ваколатли директорларни яширинча алмаштириш, директорлар ва акциядорлар ўртасидаги нисбатни бузишда айбдор деб топилган. Бу эса уларнинг туризм фаолияти билан шуғулланиш ҳуқуқидан маҳрум қилинишига олиб келган», — деб ёзади нашр.
Таиланддаги компаниялар ҳам юзага келган вазиятдан хавотирини билдирган. Уларнинг сўзларига кўра, узоқ мамлакатлардан келувчи туристлар қиролликда ўртача 14-21 кун қолади, қўшни давлатлардан келадиган сайёҳлар эса ўртача етти кун Таиландда бўлади.
Аввалроқ Таиландда 2025 йил охиридан бошлаб мамлакатга ташриф буюрадиган чет эллик сайёҳлардан 300 бат (8,8 АҚШ доллари) миқдорида солиқ ундирилиши тўғрисида хабар берилганди. Солиқдан тушган маблағлар сайёҳлар ҳаёти ва соғлиғини суғурта қилишга йўналтирилади — шу орқали улар мамлакатда янада хавфсиз ҳордиқ чиқаришлари мумкин бўлади.
Тавсия этамиз
Magic City'нинг эгаси яна ўзгаради
Ўзбекистон | 21:22 / 17.03.2025
«Балки уддалармиз, балки йўқ». Трамп эртага Путин билан гаплашишга ваъда берди
Жаҳон | 20:36 / 17.03.2025
Эммануэл Макрон Европага «ядровий қалқон» таклиф этди
Жаҳон | 12:00 / 16.03.2025
АҚШ 43 давлат, жумладан Россия ва Беларус фуқароларининг киришини чеклаши мумкин
Жаҳон | 17:13 / 15.03.2025
Сўнгги янгиликлар
-
«Ташаббусли бюджет»да мажбурий овоз тўпланган лойиҳалар овоз бериш босқичидан четлатилади
Ўзбекистон | 13:31
-
Ҳусийчиларнинг ҳужуми, Трамп ва Путин мулоқотига тайёргарлик ва Озодлик ҳайкалини қайтаришни сўраган француз — кун дайжести
Жаҳон | 13:16
-
Иккиламчи автомобил бозори: Lacetti, Cobalt, Spark ва Onix нархи арзонлашди
Ўзбекистон | 12:42
-
«Бегоналар зулм қилгани йўқ, аммо ўзимизникилардан ёрдам кутмай қўйгандик» — суджаликлар
Жаҳон | 12:32
Мавзуга оид

21:18 / 06.03.2025
Ўзбекистон ёш хоккейчилари жаҳон чемпионатида муваффақиятли иштирок этди

22:32 / 27.02.2025
Таиланд ҳукумати мамлакатга келувчи барча сайёҳлар учун солиқ жорий этади

20:27 / 24.02.2025
Таиландда оғир тан жароҳати олган Ўзбекистон фуқароси ватанга қайтарилди

15:40 / 12.02.2025