Қўшимча функционаллар
-
Тунги кўриниш
AFP: Украина АҚШ билан ресурслар бўйича битим шартларини келишиб олди
Киев ва Вашингтон ўртасидаги келишув матнидан Киев 500 миллиард доллар тўлаши ва Украина табиий ресурсларидан даромад оладиган жамғарма устидан АҚШ тўлиқ назорат ўрнатиши ҳақидаги талаблар олиб ташланди, деб ёзади ОАВ.
Фото: AP
Норасмий маълумотларга кўра, Украина АҚШ маъмурияти билан табиий ресурслар бўйича келишув шартларини келишиб олган ва яқин кунларда шартнома имзолаши мумкин. 25 феврал, сешанба куни исмини ошкор қилмаслик шарти билан AFP агентлигига Украинанинг юқори мартабали мулозими: «Ҳозирда ҳукумат расмийлари тафсилотлар устида ишламоқда» деди.
Унинг сўзларига кўра, ҳозирда Киев расмий делегациянинг «келишувни имзолаш учун» 28 феврал куни Вашингтонга ташриф буюриши имкониятини ўрганмоқда.
Матндан АҚШнинг махсус жамғарма устидан тўлиқ назорат қилиши ҳақидаги банд олиб ташланди
Ўз навбатида, Украинанинг «Экономическая правда» нашри ўз ихтиёридаги келишув лойиҳасига таяниб, унинг янгиланган версиясида Украина табиий ресурсларидан тушадиган даромадлар йўналтирилиши кўзда тутилган Тикланиш инвестиция жамғармаси устидан 100 фоиз АҚШ назорати бўйича банд йўқлигини хабар қилди. «Украина ва АҚШ жамғармани биргаликда бошқаради, аммо Қўшма Штатлар ўз қонунчилиги доирасида қарор қабул қилиш ваколатига эга бўлади», деб ёзади нашр.
«Жамғарма Украина табиий ресурслари, портлари ва ресурслар билан боғлиқ инфратузилмалардан (ҳатто Украина ҳукуматига билвосита тегишли бўлган) даромаднинг 50 фоизини Украина иқтисодиётига қайта сармоя киритиш учун олади», — дейилади нашрда.
Тинчлик музокаралари
Мавзуга оид
23:00 / 10.03.2025
ФХХ украиналикларнинг Россия киришини 50 йилгача тақиқлашни бошлади
22:00 / 10.03.2025
Украина дунёдаги энг йирик қурол импортчисига айланди
20:32 / 10.03.2025
Трамп Зеленский истеъфога чиқмагунча Украинага ёрдам кўрсатишни тикламайди – ОАВ
19:40 / 10.03.2025