Қўшимча функционаллар
-
Тунги кўриниш
Ўзбекистон ва Малайзия Афғонистон фуқаролари учун қўшма таълим дастурларини амалга оширади
"Мулоқотдан – ҳаракат сари: Ўзбекистон ва Малайзия стратегик ҳамкорлик йўлида" мавзусидаги давра суҳбатида иштирок этиш мақсадида Куала-Лумпур шаҳрига ташриф буюрган Ўзбекистон президенти ҳузуридаги Стратегик ва минтақалараро тадқиқотлар институти (СМТИ) директори Элдор Орипов Малайзия парламенти ва Ташқи ишлар вазирлиги вакиллари билан бир қатор учрашувлар ўтказди.
Фото: "Дунё" АА
Малайзия парламенти Вакиллар палатасининг Халқаро муносабатлар ва халқаро савдо қўмитаси раиси Туан Вонг Чен билан ўтказилган суҳбат давомида Ўзбекистон-Малайзия муносабатларини, айниқса парламентлараро ҳамкорликни ривожлантириш истиқболларига алоҳида эътибор қаратилди.
Парламентлараро ҳамкорликни янада кенгайтириш, қонун ижодкорлиги соҳасида тажриба алмашиш, икки томонлама ҳамкорликнинг устувор йўналишлари бўйича тегишли қўмиталарнинг қўшма мажлисларини ўтказиш амалиётини жорий этиш зарурлиги таъкидланди.
Малайзия Ташқи ишлар вазирлигининг Афғонистон бўйича махсус вакили Дато Аҳмад Аъзам билан музокаралар чоғида Афғонистондаги мавжуд вазият ва минтақавий хавфсизлик масалалари муҳокама қилинди.
Малайзия томонига Ўзбекистоннинг Афғонистонда тинчлик ва барқарор тараққиётни қўллаб-қувватлаш бўйича ёндашувлари ҳақида маълумот берилди. Элдор Орипов таъкидлаганидек, Афғонистоннинг ижтимоий-иқтисодий тикланиши ва унинг минтақалараро савдо алоқаларига қўшилиши Марказий ва Жанубий Осиёда минтақавий хавфсизликни таъминлашнинг муҳим омили ҳисобланади.
Ўз навбатида, Дато Аҳмад Аъзам Ўзбекистоннинг Афғонистон масаласидаги саъй-ҳаракатлари ва ташаббусларини юқори баҳолаб, расмий Тошкент ва Куала-Лумпур ёндашувлари кўп жиҳатдан мос келишини таъкидлади.
Учрашув якунида Афғонистон фуқаролари учун қўшма таълим дастурларини амалга оширишдан икки томон ҳам манфаатдор экани таъкидланди.
Шунингдек, Малайзия Ташқи ишлар вазирлиги қошидаги Терроризмга қарши кураш бўйича Жануби-Шарқий Осиё минтақавий маркази бош директори Дато Ганеш Шивагурунатан билан ҳам учрашув ўтказилди.
Суҳбат давомида халқаро терроризмга қарши курашнинг долзарб масалалари бўйича фикр алмашилди. Жумладан, Интернет тармоғида зўравон экстремизм тарғиботига қарши курашиш самарадорлигини ошириш, ёш авлод учун мақсадли маърифий тадбирлар ўтказиш ҳамда реинтеграция ва реабилитация чора-тадбирларини амалга ошириш масалалари муҳокама қилинди.
Томонлар саъй-ҳаракатларни бирлаштиришгина замонавий таҳдид ва хатарларга самарали қарши туриш имконини беришини таъкидладилар.
Тавсия этамиз
АҚШ элчиси ўзбекистонлик ноқонуний мигрантларга мурожаат қилди
Ўзбекистон | 16:53 / 03.04.2025
АҚШнинг янги божлари Ўзбекистонга қандай таъсир қилади?
Нуқтайи назар | 14:23 / 03.04.2025
Хоразмда пулини кўпайтириб беришни айтиб, мингдан ортиқ одамни чув туширган шахс ушланди
Жамият | 20:24 / 02.04.2025
Битта машинада нуқсон топилса, бренднинг ҳамма моделларини ёппасига тақиқлаш тўғрими?
Ўзбекистон | 20:13 / 02.04.2025
Сўнгги янгиликлар
-
Австрия чорва моллари орасида тарқалган инфекция сабаб чегараларини ёпади
Жаҳон | 01:33
-
The Economist: Аляскадаги орол аҳолиси Россия босиб олишидан хавотирланиб, рус тилини ўрганмоқда
Жаҳон | 00:50
-
Трамп TikTokʼнинг АҚШдаги фаолиятини яна 75 кунга узайтиришини маълум қилди
Фан-техника | 23:52 / 04.04.2025
-
Тошкент туманида бир-бирига туташ икки бинода ёнғин чиқди
Жамият | 23:07 / 04.04.2025
Мавзуга оид
14:12 / 04.04.2025
«Дунё Афғонистон ҳудудидан келаётган таҳдидларга етарлича баҳо бермаяпти» — Шавкат Мирзиёев
23:39 / 03.04.2025
Малайзиянинг 11 йил олдин йўқолган MH370 рейсини қидириш ишлари вақтинча тўхтатилди
18:19 / 31.03.2025
Россия бош прокуратураси «Толибон» фаолиятига рухсат беришни сўради
16:10 / 31.03.2025
Ўзбекистон ва Малайзия яримўтказгичлар соҳасида мутахассислар тайёрлайди
