ОАВ: Сурияда кимёвий ҳужумнинг сохта қурбонлари қутқарилиши видеога олинди

Идлибда кимёвий ҳужумни сохталаштириш ҳолатининг бир нечта дубли кўрсатилган «Оқ каскалар» видеоёзуви YouTube видеохостингида пайдо бўлди. Бироқ, бир неча дақиқадан кейин у ўчириб ташланди. Видеонинг мазмуни SANA агентлигининг араб ва инглиз тилларидаги версиясида мавжуд.

Агентликнинг хабар беришича, кимёвий ҳужумни суратга олиш ишлари бўйича ҳаммаси бўйича учта сценарий ёзиб олинган. Сурия мухолифати билан алоқадор бўлган «Оқ каскалар» беш дақиқалик роликда кимёвий қуролдан жабр кўрган одамларга сув сепишганини кўриш мумкин. Бир нечта сценарийда суратга олиш иштирокчилари ўз ролларини ўзгартирган ва бир қурбонлар ролида, бир тиббиёт ходимлари ролида кўриниш берган, дея аниқлик киритади SANA. Бундан ташқари, видеоёзувда бир хил кишиларнинг кийимлари деталлари ажралиб туради.

Хабар қилинишича, видео Сурия ҳукумат кучларини кимёвий ҳужум амалга оширишда айблаб, АҚШ бошчилигидаги коалициянинг Сурия армиясига зарбалар беришига ундаш учун тайёрланган. 

Эслатиб ўтамиз, аввалроқ Трамп Сурия бўйича қарор қабул қилишга ваъда берганди.