Firibgarlar Singapur bosh vaziri dipfeyk videosidan foydalanib kriptovaluta sotdi

Singapur bosh vaziri Lourens Vong vatandoshlarini sun’iy intellekt tomonidan yaratilgan (dipfeyk) videolari ijtimoiy tarmoqlarda tarqalayotgani haqida ogohlantirdi. Bosh vazir so‘zlariga ko‘ra, firibgarlar ulardan kriptovaluta sotish yoki yashash uchun ruxsat olish xizmatlarini reklama qilish uchun foydalangan.

2024 yilda Singapurda 51 mingdan ortiq firibgarlik holatlari, shu jumladan dipfeyk aniqlangan. Bu o‘tgan yilga nisbatan 11 foizga ko‘p. Umuman olganda, o‘tgan yili singapurliklar firibgarlar tufayli 827 million dollar yo‘qotgan. Endi mamlakat hukumati bunday jinoyatlarga oid qonunlarni keskinlashtirib, fuqarolarni firibgarlardan himoya qilish uchun axborot bilan ta’minlashni kengaytirmoqda. Bosh vazir Vong vatandoshlarini ehtiyot bo‘lishga va firibgarlarga ishonmaslikka va ular bilan shaxsiy ma’lumotlarni baham ko‘rmaslikka chaqirdi.

O‘tgan oy firibgarlar Italiya mudofaa vaziri Gido Krosettoning sun’iy intellekt tomonidan yaratilgan ovozidan foydalangan edi. Ular vazir nomidan italiyalik tadbirkorlarga qo‘ng‘iroq qilib, uning ovozi bilan ularni Suriya va Eronda garovda bo‘lgan Italiya fuqarolarini ozod qilish uchun xorijiy banklardagi hisob raqamlariga pul o‘tkazishga ko‘ndirgan.