Qoʻshimcha funksionallar
-
Tungi ko‘rinish
Peskov Trampning «neft tahdidi» urushni to‘xtatmasligini aytdi
Donald Tramp Moskva va Kiyev o‘rtasidagi urushni tugatish uchun jahon bozorida neft narxini pasaytirishga chaqirgan edi. Kreml buning befoyda ekanini ma’lum qildi.
Foto: RIA Novosti
Rossiya-Ukraina urushining borishi neft narxining o‘zgarishiga bog‘liq emas. Bu haqda Rossiya prezidenti matbuot kotibi Dmitriy Peskov gapirdi.
Avvalroq, Donald Tramp Moskva va Kiyev o‘rtasidagi urushni tugatish uchun jahon bozorida neft narxini pasaytirishga chaqirgan edi.
«Bu mojaro neft narxiga bog‘liq emas. Ushbu mojaro Rossiyaning milliy xavfsizligiga tahdid, ma’lum hududlarda yashovchi ruslarga tahdid, shuningdek, amerikaliklar va yevropaliklarning Rossiya xavotirlarini tinglashni istamasligi va to‘liq rad etishi tufayli sodir bo‘lmoqda va bu neft narxiga aloqador emas», dedi Peskov.
Shuningdek, u Kreml AQSh yangi prezidenti bilan muloqotga tayyorligini va Vashingtondan «signal kutayotganini» ta’kidladi.
23 yanvar kuni Donald Tramp Davosdagi iqtisodiy forumda videoaloqa orqali chiqish qilib, Saudiya Arabistoni va OPEC davlatlaridan neft narxini pasaytirishni so‘ragan edi. «Agar narx pasaysa, Rossiya va Ukraina o‘rtasidagi urush darhol to‘xtaydi», dedi u.
AQSh prezidenti, shuningdek, Ukrainadagi urushni to‘xtatish uchun yaqin orada Vladimir Putin bilan uchrashishni xohlayotganini qo‘shimcha qildi.
Rossiya-Ukraina urushi
Mavzuga oid
20:53
Tramp Kanadadan po‘lat va alyuminiy importiga 50 foizgacha qo‘shimcha bojlar joriy etadi
19:53
Yevropa nimadan qo‘rqmoqda: mintaqa o‘zini himoya qila oladimi?
19:47
Trampning tinchlikka intilishi - AQSh zaifligining tan olinishi. Ekspert Amerika prezidenti tashqi siyosati haqida
18:09