Tesla: Model S AQShda katta lyuks sedanlar savdosida yetakchilik qilmoqda

Tesla Model S avtomobillari AQShda 2016 yil 3-choragiga ko‘ra, Mercedes S-Class va BMW 7’ning oxirgi modifikatsiyalaridan 2 marta yaxshiroq sotilmoqda, deb yozmoqda Tesla ma'lumotlariga iqtibos keltirgan holda Bloomberg axborot agentligi. 

Tesla ma'lumotlariga ko‘ra, kompaniya oxirgi 3 oy ichida 9156 ta Model S’dan sotgan, bu ko‘rsatkich uning katta lyuks sedanlar borasidagi raqobatchisi Mercedes S-Class’ning (4921 avtomobil) ko‘rsatkichidan ikki martdan ko‘ra ko‘proq. 3-o‘rinni BMW 7 egallamoqda, kompaniya bu segmentdagi avtomobillardan 3,6 mingtadan sal ko‘proq sotgan.

Bloomberg’ning yozishicha, Tesla 3-chorakda AQShda katta lyuks sedanlar sinfidagi avtomobillar bozorida o‘zining yetakchiligini mustahkamlab oldi va unda 32 foiz ulushga ega bo‘lmoqda. Mercedes va BMW bu ko‘rsatkich haqida izoh bermagan.

SUV-avtomobillar bozorida Tesla’ning Model X avtomobili bozorning 6 foiz ulushini egallamoqda. Bu mashinalar Porsshe va Land Rover kompaniyalarinikidan yaxshi sotilmoqda, biroq Mercedes, BMW, Cadillac, Volvo, Audi va Lexus kabi kompaniyalarnikidan ortda qolmoqda.