Экспортга мўлжалланган маҳсулотларга саломатлик сертификати берилади

Экспортга мўлжалланган озиқ-овқат ва қишлоқ хўжалиги маҳсулотларига саломатлик сертификати бериш тартиби тўғрисидаги низом тасдиқланади.

Санитария-эпидемиологик осойишталик ва жамоат саломатлиги қўмитаси Адлия вазирлиги Рақамли технологиялар вазирлиги билан биргаликда:

экспортга мўлжалланган озиқ-овқат ва қишлоқ хўжалик маҳсулотларига саломатлик сертификати бериш бўйича давлат хизматларини кўрсатиш Давлат хизматлари марказлари ва Ягона интерактив давлат хизматлари портали орқали жорий этилишини таъминлайди;
Ягона интерактив давлат хизматлари порталида давлат хизматлари кўрсатилишининг ҳар бир босқичида мурожаатлар кўриб чиқилишини кузатиб бориш тартибини жорий этади.

Санитария-эпидемиологик осойишталик ва жамоат саломатлиги қўмитаси, Ветеринария ва чорвачиликни ривожлантириш давлат қўмитаси ва Ўсимликлар карантини ва ҳимояси агентлиги экспортга мўлжалланган озиқ-овқат ва қишлоқ хўжалиги маҳсулотларига саломатлик сертификатини бериш учун тегишли санитария-эпидемиологик, ветеринария ва фитосанитария сертификатлари (хулосалар)ни қонунчилик ҳужжатларида белгиланган тартибда берилишини таъминлайди.

Санитария-эпидемиологик осойишталик ва жамоат саломатлиги қўмитаси 2025 йил 1 июлга қадар саломатлик сертификатини бериш жараёнларини автоматлаштиришга қаратилган қуйидаги имкониятларни жорий этади:

• саломатлик сертификати электрон реестрини ишлаб чиқиш;
• саломатлик реестри маълумотларини «Электрон ҳукумат» тизимининг идоралараро интеграциялашув платформасига интеграция қилиш.