Қўшимча функционаллар
-
Тунги кўриниш
Ички ишлар вазирининг биринчи ўринбосари тайинланди
Андижон вилояти ИИБ бошлиғи полковник Аюбхон Раҳматуллаев ички ишлар вазирининг биринчи ўринбосари лавозимига кўтарилди. ИИВ ҳузуридаги Миграция ва персоналлаштириш департаментига полковник Улуғбек Тошхўжаев раҳбар бўлди.

Аюбхон Раҳматуллаев / Фото: ИИВ матбуот хизмати
Ўзбекистон Ички ишлар вазирлигида янги тайинловлар амалга оширилди.
Президент қарори билан, полковник Аюбхон Тошхўжаевич Раҳматуллаев ички ишлар вазирининг биринчи ўринбосари лавозимига тайинланди.
Раҳматуллаев 2021 йил март ойидан буён Андижон вилояти ИИБ бошлиғи лавозимида ишлаб келаётганди. У муқаддам ички ишлар вазирининг ўринбосари – молия ва моддий техника таъминоти бош бошқармаси бошлиғи лавозимида ишлаган.

Шунингдек, президент фармойиши асосида, Ички ишлар вазирлиги ҳузуридаги Миграция ва персоналлаштириш департаменти раҳбари лавозимига полковник Улуғбек Шуҳратович Тошхўжаев тайинланди.
Тошхўжаев 2021 йил апрелидан буён Вазирлар Маҳкамаси ҳузуридаги Давлат персоналлаштириш марказининг директори сифатида ишлаб келаётганди
ИИВнинг 11 март кунги хабарига кўра, бу икки тайинлов ҳақида вазирликда бўлиб ўтган йиғилишда маълум қилинган.
Эслатиб ўтамиз, Тошкент шаҳар ИИББни бошқариб келган генерал-майор Азиз Тошпўлатов ўтган ҳафта ИИВ раҳбари лавозимида иш бошлаган эди.
У 7,5 йилдан буён вазир лавозимида ишлаб келган Пўлат Бобожоновнинг ўрнини эгаллади. Бобожонов фаолиятини президентнинг кадрлар сиёсати бўйича маслаҳатчисига ўринбосар сифатида давом эттирмоқда. ИИВда унинг биринчи ўринбосари бўлган Шавкат Раҳмонов ҳам лавозимидан озод этилган.
Тошкент шаҳри ИИББни эса эндиликда Хоразм вилояти ИИБнинг собиқ бошлиғи полковник Равшан Султонхўжаев бошқармоқда.
Тавсия этамиз
Одамлар энг тез ва секин қарийдиган мамлакатлар аниқланди
Жаҳон | 21:57 / 17.07.2025
Жиноят оламида бунақаси кам учрайди: яширин устахона ва ғойиб бўлган 276 та машина
Жамият | 13:40 / 16.07.2025
20 июлдан бошлаб 1-2 кунга хорижга чиққанлар Ўзбекистонга божсиз товар олиб киролмайди
Иқтисодиёт | 19:31 / 15.07.2025
Болаларни итдек вовуллатган «дефектолог»га янги жиноий иш очилди
Жамият | 18:06 / 15.07.2025
Сўнгги янгиликлар
-
Урушга тайёр Жўланий, таксидаги Пизишкиён – ҳафта дайжести
Жаҳон | 12:00
-
Лёв ёки Кападзе. Миллий жамоа бошқарувида ўзгариш қилиш керакми?
Спорт | 11:30
-
Уйда ўтириб ҳам пул топиш мумкин: имкониятлар кўп, фақат хоҳиш керак
Жамият | 11:09
-
Ветнамда ичида сайёҳлар бўлган яхта ағдарилиб кетди
Жаҳон | 09:39
Мавзуга оид

12:03 / 18.07.2025
Анвар Ўрмонов Тошкент шаҳри прокурори в.б бўлган

19:22 / 14.07.2025
Алишер Султонов президент маслаҳатчиси лавозимидан озод этилди

19:15 / 14.07.2025
Азиз Мағрупов президент маслаҳатчиси лавозимидан озод этилди

18:40 / 14.07.2025