Олти ҳудудда валюта айирбошлаш билан шуғулланиб келганлар ушланди

Тошкент шаҳри, Навоий, Қашқадарё, Наманган, Бухоро ва Тошкент вилоятларида валюта айирбошлаш билан шуғулланиб келган шахслар ушланди.

Фото: Бош прокуратура ҳузуридаги департамен

Бош прокуратура ҳузуридаги Департаментнинг Яшнобод тумани бўлими, ДХХ ва ИИББ ходимлари ҳамкорлигида ўтказилган тезкор тадбирда валюта айирбошлаш билан шуғулланиб келган фуқаро Ж.Р. фуқаро Б.Р.га жами 15 000 АҚШ долларини 193,8 млн сўмга сотган вақтида ашёвий далиллар билан ушланган.

Шу каби, Кармана туманида фуқаролар Ж.Б. ва Д.С. 4385 АҚШ долларини 57 млн сўмга сотган вақтида, Қарши туманида фуқаро А.С. 3800 АҚШ долларини 49,6 млн сўмга сотган вақтида, Мингбулоқ туманида фуқаро О.А. 3500 АҚШ долларини 45,4 млн сўмга сотган вақтида, Бухоро туманида фуқаро Ҳ.Й. 3100 АҚШ долларини 39,6 млн сўмга сотиб олган вақтида, ҳамда Янгийўл шаҳрида фуқаро Ш.Г. 3000 АҚШ долларини 39 млн сўмга сотган вақтида ашёвий далиллар билан ушланганлар.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.

#валюта #айирбошлаш