Қўшимча функционаллар
-
Тунги кўриниш
Алиев Украинага инсонпарварлик ёрдами учун 1 миллион доллар ажратди
Ажратилган маблағлар Озарбойжонда ишлаб чиқарилган электр жиҳозларини харид қилиш ва Украинага инсонпарварлик ёрдами сифатида жўнатиш учун сарфланади.
Фото: president.az
Озарбойжон Украинага инсонпарварлик ёрдами учун 1 миллион доллар ажратди. Тегишли фармонни мамлакат президенти Илҳом Алиев имзолади ва ҳужжат давлат раҳбари сайтида жойлаштирилди.
Ажратилган маблағлар Озарбойжонда ишлаб чиқарилган электр жиҳозларини харид қилиш ва Украинага инсонпарварлик ёрдами сифатида жўнатиш учун сарфланади.
Озарбойжон Киевга биринчи марта гуманитар ёрдам юбораётгани йўқ. 2023 йил июль ойида Алиев шунингдек, Украинага электр жиҳозларини харид қилиш ва жўнатиш учун мамлакат Энергетика вазирлигига 7,6 миллион доллар ажратган эди.
2022 йилда Озарбойжон Украинага 30 миллион манатдан ортиқ (17,6 миллион доллар) гуманитар ёрдам кўрсатди. Бу Бокунинг ўша йили бошқа давлатга кўрсатган энг катта ёрдамидир. Боку дори-дармонлар, озиқ-овқат, трансформатор ва генераторлар юборди ва украиналик болаларни тиббий ва психологик реабилитация қилиш учун қабул қилди.
Россия босқини бошлаганидан кейин Озарбойжон Украинанинг ҳудудий яхлитлигини қўллаб-қувватлади. «Украинадаги уруш этник ва диний нуқтаи назардан бир-бирига жуда яқин бўлган икки халқ учун катта фожиадир. Бу катта фожиа», деди Илҳом Алиев.
Шу билан бирга, Боку Киевга қурол етказиб беришдан бош тортди. «Улар биздан сўраса ҳам, буни бажара олмаймиз», деди Алиев.
2024 йил охиригача Озарбойжон Украинага тахминан 40 миллион доллар ёрдам берган.
Россия-Украина уруши
Мавзуга оид
23:00 / 10.03.2025
ФХХ украиналикларнинг Россия киришини 50 йилгача тақиқлашни бошлади
22:00 / 10.03.2025
Украина дунёдаги энг йирик қурол импортчисига айланди
20:32 / 10.03.2025
Трамп Зеленский истеъфога чиқмагунча Украинага ёрдам кўрсатишни тикламайди – ОАВ
16:59 / 10.03.2025