Qoʻshimcha funksionallar
-
Tungi ko‘rinish
Parlamentlararo ittifoq bosh kotibi «Do‘stlik» ordeni bilan taqdirlandi
Martin Chungong Parlamentlararo ittifoq va O‘zbekiston o‘rtasidagi har tomonlama hamkorlikni izchil rivojlantirish va chuqurlashtirish borasidagi ko‘p yillik samarali faoliyati uchun mukofotlandi.
Parlamentlararo ittifoq bosh kotibi Martin Pukvareke Chungong O‘zbekistonning «Do‘stlik» ordeni bilan mukofotlandi. Bu haqda prezident farmoni e’lon qilindi.
«O‘zbekiston Respublikasi va Parlamentlararo ittifoq o‘rtasidagi har tomonlama hamkorlikni izchil rivojlantirish va chuqurlashtirish borasidagi ko‘p yillik samarali faoliyati, ijtimoiy-iqtisodiy, madaniy-gumanitar sohalardagi ustuvor qo‘shma dastur va loyihalarni amalga oshirish, parlament diplomatiyasi hamda mintaqalararo aloqalarni, ochiq va konstruktiv siyosiy muloqotni ilgari surishga bevosita qo‘shgan katta hissasi, shuningdek, mamlakatimizning xalqaro nufuzini dunyo miqyosida ko‘tarishdagi amaliy sa’y-harakatlari uchun Parlamentlararo ittifoq Bosh kotibi Martin Pukvareke Chungong O‘zbekiston Respublikasining «Do‘stlik» ordeni bilan mukofotlansin», deyiladi farmonda.
Martin Pukvareke Chungong — kamerunlik siyosatchi va diplomat bo‘lib, 2014 yil 1 iyuldan buyon Xalqaro parlamentlararo ittifoq (XPI) bosh kotibi lavozimini egallab kelmoqda.
Prezident Shavkat Mirziyoyev 7 aprel kuni ushbu nufuzli tuzilma raisi Tuliya Ekson va bosh kotibi Martin Chungong delegatsiyasini qabul qildi. Uchrashuv yakunida O‘zbekiston rahbari hamkorlikni rivojlantirish va parlament diplomatiyasini samarali ilgari surishga qo‘shgan katta hissasi uchun Parlamentlararo ittifoq bosh kotibi Martin Chungongni «Do‘stlik» ordeni bilan taqdirladi.
O‘zbekiston 2017 yilda XPI faoliyatidagi ishtirokini qayta tikladi va bugungi kunda uning ijro etuvchi tuzilmalarida to‘laqonli qatnashmoqda.
So‘nggi yangiliklar
-
Toshkentda yong‘in chiqqan uyda ikki yigit pichoqlangani ma’lum bo‘ldi
Jamiyat | 10:02
-
O‘zbekistonliklarni haqoratlagan tiktoker qamoqqa olindi
Jamiyat | 09:52
-
Samarqandda erkak mashinasini stadionda odamlar ustiga haydadi
Jamiyat | 09:50
-
Tramp: Isroil Eronga qo‘shma zarba berishda yetakchi bo‘ladi
Jahon | 09:49
Mavzuga oid
16:37 / 09.04.2025
Prezident zamonaviy turizm marshrutlarini tashkil etish bo‘yicha vazifalarni belgilab berdi
15:48 / 09.04.2025
«Sayyohlar yo‘llar ahvolidan norozi» - mutasaddilarga «turizm halqasi»ga kirgan yo‘llarni ta’mirlash bo‘yicha ishlarni boshlash topshirildi
10:54 / 09.04.2025
Toshkentda bo‘lib o‘tayotgan Parlamentlararo ittifoq tadbirida Zambiya vakili vafot etdi
21:42 / 08.04.2025
“Yevropa va Osiyoning o‘rtasidamiz” – Gruziya parlamentining antig‘arbona qarashlarga ega raisi
