Bugun, 8 fevral kuni soat 09:30 larda Mirobod tumani, KHAY ko‘chasida yo‘l-transport hodisasi yuz berdi.

«Toshshahartransxizmat» xabariga ko‘ra, «12-Avtobus saroyi» filiali tasarrufidagi Yutong rusumli, 40-sonli yo‘nalishda harakatlanayotgan, haydovchi T.O (1964 yil tug‘ilgan, ish staji 37 yil) boshqaruvidagi elektrobus burilib olish vaqtida Cobalt rusumli avtomobil uning chap yonidan chiqib kelib mayda to‘qnashuv sodir etgan. 

Ushbu yo‘l-transport hodisasi natijasida tan jarohati olganlar yo‘q, avtobusga hech qanday zarar yetmagan. Shu sabab ikki tarafning o‘zaro kelishuvi asosida harakat davom ettirilgan.

Hozirda mazkur avtobus o‘z yo‘nalishi bo‘ylab harakatini davom ettirayotgani ma’lum qilindi.