Huquqni muhofaza qiluvchi organlar tomonidan Toshkent viloyati Zangiota tumani hududida o‘tkazilgan tezkor tadbirda Sirdaryo viloyati prokurorining katta yordamchisi muomalasi taqiqlangan kuchli ta’sir qiluvchi dori vositasi bilan qo‘lga olindi. Bu haqda DXX xabar berdi.

Qayd qilinishicha, unga tegishli Spark avtomobili to‘xtatilib, ko‘zdan kechirilganda, salonda 50 dona «Zardeks» kuchli ta’sir qiluvchi dori vositasi borligi aniqlanib, protsessual tartibda rasmiylashtirilgan. Xabarda bu shaxsning ismi-sharifi keltirilmagan.

Shuningdek, tezkor tadbir davom ettirilib, unga mazkur dori vositalarini sotgan Camarqand viloyati, Bulung‘ur tumanida istiqomat qiluvchi, 1997 yilda tug‘ilgan fuqaro Toshkent shahrida qo‘lga olingan. Undan 300 dona «Zardeks» ashyoviy dalil sifatida olingan.

Ta’kidlanishicha, ushbu kuchli ta’sir qiluvchi dori vositalari Qirg‘izistondan noqonuniy yo‘llar bilan keltirilgan.

Holat yuzasidan tergovga qadar tekshiruv harakatlari olib borilmoqda.