O‘zbekiston Tojikiston bilan ittifoqchilik munosabatlari to‘g‘risidagi shartnomani ratifikatsiya qildi

Oliy Majlis Senati Shavkat Mirziyoyevning davlat tashrifi doirasida 2024 yil 18 aprel kuni Dushanbe shahrida imzolangan O‘zbekiston va Tojikiston o‘rtasidagi ittifoqchilik munosabatlari to‘g‘risidagi shartnomani ratifikatsiya qildi.

Mazkur shartnoma ikki davlat o‘rtasidagi do‘stlik va strategik sheriklik munosabatlarini ittifoqchilikning yangi bosqichiga ko‘taradi, bu O‘zbekistonning Markaziy Osiyodagi tashqi siyosatining ustuvor yo‘nalishi hisoblanadi.

Hujjat turli sohalarda hamkorlikni kengaytirishni nazarda tutadi, jumladan:

- mintaqaviy nizolarni xalqaro huquq normalariga muvofiq tinch yo‘l bilan hal etish;

- Davlat chegaralarini demarkatsiya qilish ishlarini davom ettirish;

- suv-energetika sohasida o‘zaro manfaatli loyihalarni amalga oshirish;

- parlament diplomatiyasini rivojlantirish;

- Ikki tomonlama aloqalarni mustahkamlash.

Shartnoma, shuningdek, iqtisodiy, sarmoyaviy, ilmiy-texnikaviy, madaniy-ma’rifiy, shuningdek, sport va turizm sohalarida hamkorlikni chuqurlashtirishga qaratilgan.

Terrorizm, ekstremizm va transmilliy uyushgan jinoyatchilikka qarshi kurashish borasidagi sa’y-harakatlarni muvofiqlashtirishga alohida e’tibor qaratilmoqda.

Mazkur shartnomaning ratifikatsiya qilinishi O‘zbekiston va Tojikiston o‘rtasidagi ko‘p qirrali hamkorlikni yanada mustahkamlash, mintaqada tinchlik va xavfsizlikni ta’minlashga xizmat qiladi.

Umuman olganda, Shavkat Mirziyoyevning Tojikistonga o‘tgan yilgi davlat tashrifi chog‘ida ko‘p qirrali tojik-o‘zbek hamkorligining deyarli barcha sohalarini qamrab oluvchi 28 ta hujjat imzolangan edi.