Bahodir Abdusalomovich Begalov O‘zbekiston prezidenti huzuridagi Statistika agentligi direktori lavozimidan ozod etilgan.

Iste’fo haqida rasmiy xabar berilmadi. Ayni paytda agentlik saytida direktor lavozimi vakant ekani ko‘rsatilgan.

56 yoshli Bahodir Begalov statistika idorasini 2017 yil may oyidan buyon boshqarib kelayotgan edi.

U 2012–2016 yillarda Davlat statistika qo‘mitasi raisining o‘rinbosari lavozimida ishlagan.

Eslatib o‘tamiz, Davlat statistika qo‘mitasi 2022 yil oxiridagi ma’muriy o‘zgarishlarda Statistika agentligiga aylantirilib, Prezident huzuriga o‘tkazilgan edi. Hozir statistika organida direktorning ikki nafar o‘rinbosari faoliyat olib bormoqda: A’zam Anvarjonovich Ikromov (2016 yildan buyon) va Zohidjon Murodovich Ziyoyev (2019 yildan buyon).