O‘zbekistondagi eng yirik konsertlar, turli tomoshalar va boshqa tadbirlarda sifatli va unutilmas tarzda tasvirga muhrlash ishlari bilan tanilgan GoldVisionGroup kompaniyasi o‘z faoliyatini boshlaganiga 27 yil to‘ldi. Shu munosabat bilan kompaniya yangi ta’lim loyihasini boshladi.
Mazkur loyiha "Gold Vision Academy" deb nomlanadi va unda kompaniya yo‘nalishida ishlashni istagan ijodkor yoshlar qabul qilinadi. Bu kurslarda ular havaskor tasvirchidan professional darajasiga ko‘tarilishlari mumkin.
Akademiyaning asosiy maqsadi — zamonaviy texnikalar va yuqori tajriba asosida havaskor yoshlarga operatorlik, videomontaj va fotografiya sohalarida chuqur bilim va imkoniyat berish. Bugungi kunda bu sohada ishlash uchun yuqori malakali mutaxassislarga talab katta ekanini hisobga olgan holda, "Gold Vision Academy" o‘z o‘quvchilariga yuqori standartlardagi malakalarni yetkazadi.
Akademiyada o‘z sohasida 10 yildan ortiq tajribaga ega professional o‘qituvchilar dars berishadi. Dunyoning yetakchi mutaxassislari ham darslarga jalb qilinadi. GoldVisionGroup’ning zamonaviy texnikalari yordamida nazariy va amaliy bilimlar beriladi.
GoldVisionGroup kompaniyasi bilan hamkorlikda ish olib boriladigan bu loyiha, o‘z navbatida, mamlakatda media sohalarida mutaxassislarning sifatini oshirishga xizmat qiladi. "Gold Vision Academy" akademiyasining ochilishi O‘zbekistonda ushbu sohada yuqori malakali mutaxassislar tayyorlashga yangi bosqichni boshlamoqda.
"Gold Vision Academy"ga qabul fevral oyidan boshlanadi. Kurslarda 35 yoshgacha bo‘lgan qiziquvchilar tahsil olishlari mumkin.
Batafsil ma’lumot uchun:
+998 98-127-71-11
+998 95-111-711-1
Reklama
