Unga ko‘ra, 2025 yilda 42,5 mlrd dollar xorijiy investitsiyalarni jalb qilish rejalashtirilgan.

Loyihalarni amalga oshirish holati va investitsiyalarni o‘zlashtirish rejasini bajarish bo‘yicha oylik monitoring olib boriladi. Loyihalarni amalga oshirishning barcha jarayonlarida vazirliklar, idoralar, tijorat banklari va hududlar rahbarlari faoliyati muvofiqlashtirib boriladi. Loyihalar doirasida aniqlangan muammolarni hal qilib borish va reja ko‘rsatkichlarining bajarilishi ta’minlanadi.

2025 yilda 307 ta yirik va ahamiyatli loyihalarni ishga tushirish mo‘ljallanmoqda.

Yirik ishlab chiqarish obektlari va quvvatlari tarmoq jadvallari tasdiqlanadi hamda ijroga qaratiladi. Tegishli vazirliklar, idoralar, tijorat banklari va hududlar bilan birgalikda loyihalar holati o‘rganib boriladi va aniqlangan muammolar bartaraf etiladi hamda ishga tushirilishi ta’minlanadi.

Istiqbolli loyihalarga salohiyatli investorlarni jalb etish ko‘zda tutilmoqda.

Istiqbolli loyihalar ro‘yxati shakllantiriladi. Tashabbuskorlar bilan birgalikda loyihaoldi hujjatlar tayyorlanadi. Xorijiy investorlar va xalqaro moliya institutlari bilan taqdimot o‘tkaziladi. Istiqbolli loyihalar bo‘yicha salohiyatli xorijiy investorlar bilan kelishuvlarga erishiladi va ularni amalga oshirish bosqichlarini nazarda tutuvchi «yo‘l xaritasi» tasdiqlanadi. 

Erkin muomaladagi qimmatli qog‘ozlar hajmini 15 mln dollarga yetkazish bo‘yicha ishlarni tashkil etish ham rejalashtirilgan.

Qimmatli qog‘ozlar bozorini o‘rganish orqali hajmni oshirish choralari ko‘riladi. Erkin muomaladagi qimmatli qog‘ozlar savdolari bo‘yicha ishlar jadallashtiriladi. Qimmatli qog‘ozlar savdolari bo‘yicha har oyda hisobotlar shakllantiriladi.