Qoraqalpog‘istonning Nukus shahrida joylashgan I.V.Savitskiy nomidagi davlat san’at muzeyiga yangi rahbar tayinlandi.

Qoraqalpog‘iston Respublikasi Turizm boshqarmasi boshlig‘i lavozimida ishlab kelgan Gulbahor Izentayeva muzeyga rahbar bo‘ldi.

Bunga qadar muzeyga rossiyalik Tigran Mkrtichev rahbarlik qilgan va 2024 yil dekabrida uning shartnomasi muddati tugagan edi.

I.V.Savitskiy nomidagi davlat san’at muzeyi O‘zbekistondagi eng yirik san’at muzeylaridan biri. Muzey Rossiyadan tashqaridagi eng yirik rus avangardi asarlari to‘plami bilan mashhur.