20 dekabr kuni Magdeburgdagi rojdestvo bozoriga tashrif buyuruvchilarni mashina urib ketishi oqibatida ikki kishi, jumladan bir bola halok bo‘ldi. Bundan tashqari, Saksoniya-Anxalt bosh vaziri Rayner Xazeloffning so‘zlariga ko‘ra, kamida 60 kishi jarohatlangan. Politsiya ma’lumotlariga ko‘ra, kamida 15 kishi jiddiy jarohat olgan. DW 21 dekabr, shanba kuni erta tongda hujum qilgan shaxs haqida ma’lumot berdi.

Hujum qilgan shaxs - Saudiya Arabistonidan kelgan shifokor

Welt gazetasining yozishicha, hujum qilgan shaxs 1974 yilda tug‘ilgan erkakdir. U - Saudiya Arabistonidan 2006 yilda Germaniyaga kelgan shifokor.

Der Spiegel haftaligi 50 yoshli gumonlanuvchi Taleb A. psixiatr va psixoterapevt ekanligini aniqladi. Frankfurter Rundschau gazetasi u haqida 2019 yilning mart oyida shunday yozgan: "Tolib al-Abdulmohsen 2006 yildan beri Germaniyada yashaydi. U Germaniyaga psixoterapevt sifatida malaka oshirish uchun tashrif buyuruvchi shifokor sifatida kelgan va keyin bu yerdan boshpana so‘ragan. 44 yoshli erkak siyosiy qochqin maqomiga ega".

Die Welt nashrining yozishicha, erkak Magdeburgdan 50 km uzoqlikda joylashgan Bernburg shahrida yashagan. Gumonlanuvchining yashash joyida tintuvlar o‘tkazilgan. Gazeta ijtimoiy tarmoqlarda Taleb Al Abdulmohsen foydalanuvchisining profilini topdi, bu yuqorida sanab o‘tilgan ma’lumotlarga asoslangan tavsifga mos keladi.

Ijtimoiy tarmoqlarda faollik

Der Spiegel nashrining yozishicha, Taleb A. ko‘p yillar davomida ijtimoiy tarmoqlarda xabarlar chop etishda faol ishtirok etgan. Xususan, Saudiya Arabistonidan ayollarga bu davlatdan qanday qochish kerakligi haqida maslahatlar bergan. Bundan tashqari, u Germaniyada siyosiy boshpana olishga bag‘ishlangan o‘z veb-saytiga ega edi.

Nemis matbuotiga ko‘ra, politsiya Taleb A.ning radikal qarashlarga ega ekanligi haqida hech qanday ma’lumotga ega emas edi. 

Noyabr oyida u X ijtimoiy tarmog‘ida «liberal Saudiya muxolifatining talablari» deb nomlangan maqolani nashr etdi. Birinchi band shunday: «Germaniya o‘z chegaralarini noqonuniy migratsiyadan himoya qilishi kerak».

Jinoyatchi bir o‘zi harakat qilgan

«Hozirgi ma’lumotlarga ko‘ra, bu jinoyatchi bir o‘zi harakat qilgan, demak, hozirgi bahoga ko‘ra, endi shahar uchun xavf yo‘q, chunki biz uni (ehtimol jinoyatchi) qo‘lga olishga muvaffaq bo‘ldik. Hozir barcha tergov harakatlari amalga oshirilmoqda», dedi Rayner Xazeloff. U Magdeburgda yuz bergan voqeani «Magdeburg shahri, federal yer va butun Germaniya uchun falokat» deb atadi.

Saudiya Arabistoni Germaniyaga Magdeburg rojdestvo bozoridagi fojia munosabati bilan hamdardlik bildirdi.