Vazirlar Mahkamasining «O‘zbekiston ma’muriy-hududiy birliklari davlat reyestrini yuritish va ma’muriy-hududiy tuzilish masalalari bo‘yicha komissiyalar faoliyatini tashkil etish tartiblarini belgilash to‘g‘risida»gi qarori qabul qilindi.
Reyestr quyidagi ma’lumotlarni o‘z ichiga oladi:
- ma’muriy-hududiy birliklarning toifalari va nomlari;
- hudud kodi;
- ma’muriy-hududiy birliklarning ma’muriy markazlari;
- ma’muriy-hududiy birliklarning tavsiflari va kartografik chizmalari;
- ma’muriy-hududiy birliklarni tuzish, tugatish va ularning chegaralarini o‘zgartirish, bo‘ysunuvini o‘zgartirish sanalari;
- doimiy aholi soni va boshqalar.
Reyestr Kadastr agentligi tomonidan yuritiladi.
Hujjat bilan:
- O‘zbekiston ma’muriy-hududiy birliklari davlat reyestrini yuritish tartibi to‘g‘risidagi nizom;
- ma’muriy-hududiy tuzilish masalalari bo‘yicha respublika komissiyasi to‘g‘risidagi nizom;
- ma’muriy-hududiy tuzilish masalalari bo‘yicha hududiy komissiyalar to‘g‘risidagi namunaviy nizom tasdiqlandi.
