Milliy statistika boshqarmasi (ONS) ma’lumotlariga ko‘ra, 2023 yilda 4600 dan ortiq yangi tug‘ilgan chaqaloqlarga Muhammad ismi qo‘yilgan. Bu 2022 yilgi ko‘rsatkichlardan qariyb 500 taga ko‘p, deya yozadi Daily Mail.

Reytingning ikkinchi o‘rnidan Noy (Nuh) ismi o‘rin olgan. O‘tgan yilda yangi tug‘ilgan 4382 nafar chaqaloqqa bu ism berilgan. 2022 yilda esa bu raqam 4586 tani tashkil etgan.

Uchinchi o‘rindan Oliver ismi joy olgan, biroq uning tarqalishi o‘tgan yilda kamaygan. 

Ta’kidlanishicha, bu hududlarda eng ko‘p qo‘yilgan ismlar reytingida Muhammad ismi ilk bor yuqori pog‘onani egallagan. 

“Muhammad ismining bir necha xil ko‘rinishlari bor, agar ular bir guruhga birlashtirilsa, u holda bu reytingni 10 yildan ortiq vaqt davomida boshqarib kelgan bo‘lardi”, — deyiladi xabarda.

Qiz bolalar ismlarida esa ketma-ket sakkizinchi yil Oliviya ismni reyting yetakchisi bo‘lib qolmoqda. Ikkinchi o‘rinda Ameliya, kuchli uchlikka esa Ayla ismi yakun yasagan.