Toshkentda litsey o‘qituvchisi o‘quvchini do‘pposladi

Ijtimoiy tarmoqlarda o‘qituvchi o‘quvchini urgani tasvirlangan video tarqaldi.

Mazkur holat Bolalar ombudsmani tomonidan o‘rganilganda holat Toshkent shahridagi litseylardan birida 2024 yil 16 may kuni sodir bo‘lgani aniqlangan.

Ma’lum bo‘lishicha, Chilonzor tumanidagi Tabiiy va aniq fanlarga ixtisoslashtirilgan Respublika akademik litseyida 17 yoshli o‘quvchi J.M. fanga tayyorgarlik ko‘rmagan.

O‘qituvchi M.A. bir necha bor ogohlantirsa-da, bola tartibga kelmagan. Shundan so‘ng o‘rtada o‘zaro kelishmovchilik kelib chiqib, o‘qituvchi o‘quvchining yuz qismiga qo‘li bilan qattiq urgan.

Qayd etilishicha, hozirda holat bo‘yicha tergovga qadar tekshiruv harakatlari olib borilmoqda. Bolalar ombudsmani bu borada qo‘shimcha axborot berilishini ma’lum qildi.