Kollektiv G‘arb Ukrainani Rossiya Federatsiyasini «strategik mag‘lubiyat» etish quroliga aylantirayotgandi, ammo reja barbod bo‘ldi. Bu haqda Rossiya Federatsiyasi Xavfsizlik kengashi kotibi Sergey Shoygu MDH davlatlari xavfsizlik kengashlari kotiblarining Moskvada bo‘lib o‘tgan yig‘ilishida ma’lum qildi.
«[Ukrainaga] o‘nlab yillar davomida tinch va osoyishta rivojlanishiga yo‘l qo‘yish o‘rniga, u nafaqat talon-toroj qilindi, balki butun kuchi bilan Rossiyani strategik mag‘lubiyatga uchratish quroliga aylantirildi. Ularning rejasi barbod bo‘ldi», — deya Shoyguning so‘zlarini keltiradi Rossiya OAV.
Shoyguning so‘zlariga ko‘ra, G‘arb tomonidan qo‘llab-quvvatlangan rangli inqiloblar sodir bo‘lgan mamlakatlarda «aholining turmush darajasi pasayishi, iqtisodiy salohiyat zaiflashuvi, kapital va resurslar nazoratsiz talon-toroj qilinishi, eng og‘ir sharoitlarda esa mamlakatni G‘arb elitasi manfaatlarini amalga oshirish vositasiga aylantirish kuzatildi».
Rossiya Federatsiyasi Xavfsizlik kengashi kotibi, shuningdek, G‘arbning raqamli ekspansiyasiga qarshi kurashda MDH sa’y-harakatlarini muvofiqlashtirish zarurligini ta’kidladi.
«Biz uchun G‘arbning davlatlarimiz axboroti va kibermakoni ustidan nazorat o‘rnatishga, aslida raqamli qullikka yo‘naltirilgan ekspansiyasiga qarshi kurashish bo‘yicha sa’y-harakatlarni yanada yaqinroq muvofiqlashtirish muhim», dedi Shoygu.
Rossiya Federatsiyasi Xavfsizlik kengashi kotibi G‘arbiy Yevropa va AQShdagi iqtisodiy vaziyatga ham e’tibor qaratdi.
«Kollektiv G‘arb iqtisodiy, siyosiy va ma’naviy yetakchilikni yo‘qotmoqda. Jahon YaIM o‘rtacha ko‘rsatkichi pasayib bormoqda. Umumiy qarzning yarmidan ko‘pi ularning, uchdan bir qismi esa AQSh hissasiga to‘g‘ri keladi. Ularga o‘z manfaatlari yo‘lida mustaqil, tinch va erkin rivojlanishi uchun dunyoning qolgan qismi kerak emas, ularga arzon resurslarning itoatkor yetkazib beruvchilari kerak», — dedi Shoygu.
Uning ta’kidlashicha, «so‘nggi bir necha asrlarda mustamlakachilik tamoyillariga asoslangan g‘arb iqtisodiy modeli eskirmoqda». «Raqobatbardoshlik pasaymoqda. Endi kollektiv G‘arb davlatlari haqiqatda qarzda yashamoqda», — deya ta’kidladi u.
Shoyguning so‘zlariga ko‘ra, tobora ko‘proq davlatlar o‘zaro to‘lovlarni tejash vositasi sifatida dollar va yevrodan voz kechmoqda. «G‘arb elitasi bu vaziyatdan mamnun emasligi aniq», dedi u.
