Xorijga chiqish biometrik pasportini rasmiylashtirish bilan bog‘liq o‘zgarishlar qonunchilikka kiritildi.

Ular quyidagilardan iborat:

- xorijga chiqish biometrik pasportini berganlik uchun undiriladigan davlat boji summasini qayta taqsimlash tartibi o‘zgartirildi;

- xorijga chiqish biometrik pasportini pochta xizmati orqali yetkazib berish yo‘lga qo‘yiladi;

- voyaga yetmagan shaxslarga xorijga chiqish biometrik pasporti rasmiylashtirilganda uning ota-onasi yoki ularning o‘rnini bosuvchi yoxud hamrohlik qiluvchi shaxslarni bolani chet davlat hududida nazoratsiz qoldirganlik uchun javobgarlik haqida ogohlantirish beriladi.