AQSh Davlat departamenti Daniya hukumatiga 744 million dollar (688 million yevro) evaziga ilg‘or AIM-120D-3 o‘rta masofaga mo‘ljallangan "havo-havo" raketalari va tegishli logistikani sotishni ma’qullashga qaror qildi. Reuters agentligining 29 oktyabr, seshanba kuni Pentagon bayonotiga tayanib xabar berishicha, asosiy pudratchi RTX Corporation (sobiq Raytheon Technologies Corporation) bo‘ladi.

AQSh Kongressi ehtimoliy sotuv haqida xabardor etildi

AQSh Mudofaa vazirligi xavfsizlik bo‘yicha hamkorlik agentligi AQSh Kongressini ehtimoliy sotuv haqida xabardor qiluvchi zarur sertifikatlarni taqdim etdi.

AQSh va Yevropa bozorlarini tahlil qiluvchi TipRanks ma’lumotlariga ko‘ra, Kopenhagen 203 tagacha AIM-120D-3 raketalarini va to‘qqiztagacha AIM-120D-3 AMRAAM yo‘naltirish seksiyalarini xarid qilishdan manfaatdor. Ehtiyot qismlar, sarf materiallari, dasturiy ta’minot va texnik hujjatlarni topshirish ham ta’minlanadi.

RTX Arizona shtatining Tuson shahrida joylashgan.