Kapitalbank O‘zbekistondagi eng yirik xususiy banklardan biri bo‘lib, SIBOS 2024 ko‘rgazmasida eksponent sifatida rasmiy ishtirokchi bo‘lgan birinchi o‘zbek bankidir. Ushbu tadbir har yili Jahon banklararo moliyaviy telekommunikatsiyalar jamiyati (SWIFT) tomonidan tashkil etiladi va bu yil Pekinda 2024 yil 21-24 oktyabr kunlari bo‘lib o‘tadi. Kapitalbank xalqaro hamkorlar bilan bir qator strategik muhim muzokaralar o‘tkazadi.

 
Commerzbank AG bilan uchrashuv chog‘ida hamkorlar eksport kredit agentliklarini qo‘llab-quvvatlash va qamrab olgan holda tashqi savdo shartnomalarini uzoq muddatli moliyalashtirish bo‘yicha bitim imzoladi. Ushbu asosiy kredit shartnomasi ECA tomonidan qamrab olingan tashqi savdo operatsiyalarini moliyalashtirish uchun kredit operatsiyalari bo‘yicha hamkorlik shartlarini belgilaydi.

Kapitalbank va  Commerzbank AG o‘rtasidagi hamkorlik O‘zbekiston kompaniyalarining zamonaviy ilg‘or texnologiyalar va Yevropa mamlakatlari mahsulotlaridan foydalanish imkoniyatlarini yanada kengaytiradi.

Reklama