Asosiy e’tibor yangi mahsulot — homeOS orqali gadjetlarni to‘liq integratsiyalashga qaratilmoqda. Bu Apple’ning barcha uy qurilmalari va xizmatlari uzluksiz o‘zaro aloqada bo‘lishini ta’minlaydi.

Bundan tashqari, yaqin yillarda Apple uylarga aqlli ekranlarni joriy etishni rejalashtirmoqda. Ular yoritish tizimi, videokuzatuv yoki musiqa qo‘yish singari barcha ulangan gadjetlarni boshqarishga yordam beradi. Interaktiv displeylar nafaqat boshqaruv markaziga ega bo‘ladi, balki video qo‘ng‘iroqlarni amalga oshirish, internetda “o‘tirish” va ilovalarni boshqarish platformasiga aylanadi.

Apple innovatsiyalari sun’iy intellekt integratsiyasisiz amalga oshirilmaydi. AI yangi ekotizimning asosiy qismiga aylanadi. Apple Intelligence platformasi tufayli qurilmalar foydalanuvchining istaklari va ehtiyojlarini oldindan bilish imkoniyatiga ega bo‘ladi. Misol uchun, tizim oila a’zolarini tanib, har bir kishi uchun alohida sozlamalarni moslashtiradi: xonadagi yorug‘lik darajasi va harorat singari.

Kompaniyaning yana bir yangiligi — Matter standartini qo‘llab-quvvatlashi. Bu Apple mahsulotlariga nafaqat o‘z ekotizimida, balki boshqa brendlarning qurilmalari bilan ham ishlash imkonini beradi. Mazkur yechim foydalanuvchilar hayotini sezilarli darajada osonlashtiradi, chunki har xil kompaniyalarning aqlli texnologiyalaridan foydalanish imkoniyati paydo bo‘ladi.

Bundan tashqari, Apple ishlab chiqaruvchilari texnologiyani yanada arzon va raqobatbardosh qilish uchun yangi AR qurilmasi ustida faol ishlamoqda. Kompaniya kelgusi yilda Vision Pro’ning soddalashtirilgan versiyasini chiqarishni rejalashtirmoqda. Yangi model taxminan 2 000 dollar turadi. Apple narxlarni pasaytirish maqsadida quvvati kamroq protsessor va arzonroq materiallardan foydalanmoqchi. Bundan tashqari, unda EyeSight — foydalanuvchining ko‘zlarini ko‘zoynak tashqarisidan ko‘rish funksiyasi bo‘lmaydi, bu ham ishlab chiqarish xarajatlarini kamaytiradi.