Germaniyaning Rheinmetall va Italiyaning Leonardo qurol konserni tanklar ishlab chiqaradigan qo‘shma korxona yaratmoqda. Bu haqda 15 oktyabr, seshanba kuni Rimda bosh direktorlar Armin Papperger va Roberto Chingolani ma’lum qildi. Hamkorlarning har biri korxonada 50 foiz ulushga ega bo‘ladi. Birinchi bosqichda kompaniya faoliyati 60 foizi Italiyada joylashgan bo‘ladi.

«Yevropa mudofaa tizimini yaratish»

«Bu Yevropa mudofaa tizimini yaratish yo‘lidagi muhim qadamdir», — deydi Chingolani. Uning so‘zlariga ko‘ra, qo‘shma korxona uning «yadrosiga» aylanishi mumkin.

Korporatsiya birinchi navbatda Italiya qurolli kuchlarining ko‘p milliard dollarlik buyurtmalarini bajaradi, ammo boshqa bozorlarga yetkazib berish ham ko‘zda tutilgan. Yangi tizimlar uchun asos Panther jangovar tanki va Leonardo o‘z texnologiyalari bilan to‘ldiradigan Rheinmetall kompaniyasining Lynx piyoda jangovar mashinasi bo‘ladi.

«Qo‘shma korxona bo‘yicha birinchi shartnoma shu yil oxirida yoki 2025 yilning birinchi choragida tuzilishi kerak», dedi Papperger. Gap 20 milliarddan 25 milliard yevrogacha bo‘lgan ta’minot haqida ketmoqda, deya qo‘shimcha qildi u.

Papperger avvalroq Yevropa qurol arsenalini yaratish mavzusiga to‘xtalib o‘tgan edi.