Andijon shahrida “Oniks” mashinasi anhorga tushib ketdi. Viloyat IIB YHXB axborot xizmatining xabar berishicha, hodisa 2024 yil 8 oktyabr kuni soat 14:00 larda ro‘y bergan. 

Andijon shahar Yu.Otabekova hamda Shahidtepa ko‘chalari kesishgan chorraha oldidagi oshxona avtoturargohida 51 yoshli Sh.O. “Oniks” mashinasida orqaga harakatlanayotganda boshqaruvni yo‘qotib, anhorga tushib ketgan. 

Qayd etilishicha, hodisa oqibatida hech kim tan jarohati olmagan va halok bo‘lmagan. Mashina maxsus texnika yordamida anhordan chiqarib olingan.