Vazir qish mavsumida avtomobil egalariga yengillik berishi kutilayotgan yangi loyihani taqdim etdi. Endilikda avtomobillarga yonilg‘i quyish shoxobchalari (AYoQSh) ishini va ularda gaz mavjudligini real vaqt rejimida kuzatish imkoni bo‘ladi. Buning uchun mobil ilova ishga tushiriladi.

U mazkur tizim butun mamlakat bo‘ylab 1200 dan ortiq yonilg‘i quyish shoxobchasini qamrab olishini aytdi. Foydalanuvchilar nafaqat gaz mavjudligini, balki u yoki bu yonilg‘i quyish shoxobchasiga gaz qachon kelishi mumkinligi haqida ham ma’lumot olishi mumkin. 

Ilova mahalliy IT-kompaniyalar bilan hamkorlikda ishlab chiqilmoqda va yaqin orada yuklab olish uchun tayyor bo‘ladi. Loyihaning asosiy jihatlaridan biri uning bepulligidir. Yonilg‘i quyish shoxobchalari o‘z obektlarining ishlashi to‘g‘risidagi ma’lumotlarni taqdim etib, ixtiyoriy ravishda tizimga ulanishi mumkin.

Haydovchilar uchun yangi mobil ilova 1 dekabrgacha tayyor bo‘lishi kutilmoqda.