Ukraina Mudofaa vazirligining Bosh razvedka boshqarmasi («GUR») kibermutaxassislari 23-26 sentabr kunlari Rossiyaning turli mintaqalarida 800 dan ortiq serverlarga hujum qilishdi. Bu haqda 27 sentabr, juma kuni «Ukrinform»ga manba ma’lum qildi. «Bosh razvedka boshqarmasi kiberkorpusining hujumi natijasida zarar ko‘rgan serverlarda saqlangan hujjatlar va ma’lumotlar butunlay yo‘q qilindi», — deya suhbatdoshining so‘zlaridan iqtibos keltiradi nashr. Aniqlik kiritilishicha, gap harbiy, shuningdek, Rossiyaning Ukrainaga qarshi tajovuzini ta’minlovchi ma’muriy va moliyaviy institutlar serverlari haqida boryapti.

«Ukrinform» ta’kidlashicha, hujumga uchragan serverlardagi barcha ma’lumotlar va hujjatlar qayta tiklash imkoniyatisiz o‘chirilgan va ularning yo‘qotilishi urushda ishtirok etish bilan bog‘liq turli sohalarda iste’molchilar va xizmat ko‘rsatuvchi provayderlarning ishini qisman yoki to‘liq to‘xtatishga olib kelgan. Hujum natijasida ma’lumotlarni qidirish va tiklash uchun qo‘shimcha resurslarni sarflash zarurati paydo bo‘ladi va Ukraina razvedkasi ma’lumotlariga ko‘ra, mahalliy aholiga Rossiya Federatsiyasida texnik yordamning past darajasini yana bir bor namoyish etadi.

Avvalroq Rossiya bank tizimiga DDOS hujumi sodir bo‘lgandi

Avvalroq «GUR» kibermutaxassislari Rossiya Federatsiyasi bank tizimiga yirik DDOS hujumini amalga oshirgan edi. O‘sha operatsiya natijasida «Rossiya Qurolli kuchlari faoliyatini ta’minlovchi davlatning yirik bank muassasalari» ishi to‘xtatildi. Xususan, «Bank Rossiya», «Tinkoff bank», «Gazbank» i «SBP» to‘lov tizimi, shuningdek, «Rosselxozbank» i «Moskovskiy kreditnyy bank» kiberhujumga uchradi.