AQSh Los-Anjyeles shahrida noma’lum shaxs avtobusni olib qochdi, politsiya esa uni ta’qib qildi. Bu haqda NBC News telekanali xabar berdi.

Qayd qilinishicha, avtobus temir tikanlar yordamida to‘xtatilgan. Qurollangan jinoyatchi politsiyaga qarata o‘q uzgan.

NBC News telekanalining xabar berishicha, hujum qilgan shaxs qo‘lga olingan. Uning shaxsi ochiqlanmayati.

Otishmada kamida bir ayol kishi jiddiy jarohat olgan, u avtobusdagi ikki yo‘lovchidan biri ekanligi taxmin qilinmoqda. Haydovchi jabrlanmagan, maxsus kuchlar unga avtobusdan tushishga yordam berishgan.

Yarador ayol shifoxonaga yotqizilgan va keyinchalik vafot etdi, deb xabar berdi ABC7.