23 sentabr, dushanba kuni Rossiya respublikachi nomzod Donald Trampni targ‘ib qilish va Demokratlar partiyasidan nomzod Kamala Harrisni qoralashga qaratilgan sa’y-harakatlari doirasida AQSh bo‘lajak prezidentlik saylovlariga ta’sir ko‘rsatish uchun boshqa xorijiy davlatlarga qaraganda ko‘proq sun’iy intellekt (SI) kontentini ishlab chiqardi, dedi Milliy razvedka direktori idorasi xodimi (ODNI). U ushbu SI-kontent hajmini aniqlashtirmadi.
Reuters xabariga ko‘ra, AQSh razvedka xizmati xodimi 5 noyabr kuni AQShda bo‘lib o‘tadigan ovoz berish natijalariga ta’sir ko‘rsatish uchun Rossiya va boshqa mamlakatlar sun’iy intellektdan foydalanayotgani haqida jurnalistlar uchun o‘tkazilgan brifing chog‘ida anonimlik sharti bilan chiqish qilgan. Moskva tomonidan ishlab chiqarilgan sun’iy intellekt kontenti hajmi Rossiyaning Trampni targ‘ib qilish va Harrisni qoralash, xususan, fitna narrativlari orqali kengroq sa’y-harakatlariga mos keladi, dedi razvedka xodimi.
Sun’iy intellektning boshqa turlari singari, generativ SI ham ilgari o‘rganilgan ma’lumotlarga asoslangan holda «harakat qilishni o‘rganadi». U matn, rasm va videolar kabi yangi kontentni yaratishga qodir, ular odam tomonidan yaratilgandek tuyulishi mumkin, deya qayd etadi Reuters.
ODNI: Rossiya - eng murakkab o‘yinchi
ODNI rasmiysiga ko‘ra, Rossiya ancha murakkab o‘yinchi bo‘lib, Amerika saylovlari qanday o‘tishi va ularning maqsadlari nima ekanligini yaxshiroq tushunadi.
Rossiya sun’iy intellekt mazmunini qanday tarqatayotgani haqidagi savolga amaldor 9 iyul kuni AQSh Adliya vazirligining Moskva tomonidan qo‘llab-quvvatlangan, AQSh va boshqa mamlakatlarda kremlparast xabarlarni tarqatish uchun sun’iy intellekt yordamida boshqariladigan ijtimoiy tarmoq akkauntlari operatsiyasi bostirilgani haqidagi bayonotiga ishora qildi.
«Rossiyaning ta’sir agentlari» videoni keng tarqatdi, unda bir ayol o‘zini Harrisning urib ketishi qurboni bo‘lganini aytgan, dedi razvedka xodimi. Biroq uning aytishicha, video sahnalashtirilgan, sun’iy intellekt tomonidan yaratilmagan. O‘tgan hafta Microsoft o‘zining ichki tadqiqotlari video Rossiyaning yashirin dezinformatsion operatsiyasining bir qismi ekanligini ko‘rsatganini aytdi, deb yozadi Reuters.
Xitoy va Eron ham SI-kontent bozorining faol ishtirokchilari
Rasmiyning so‘zlariga ko‘ra, Xitoy sun’iy intellekt kontentidan AQShdagi saylovlar natijasiga bevosita ta’sir o‘tkazish uchun emas, balki dunyoning mamlakat haqidagi tasavvuriga ta’sir o‘tkazish vositasi sifatida foydalanmoqda. «Xitoy XXR haqidagi global tasavvurlarni shakllantirish va Amerika siyosatidagi bo‘linishlarni kuchaytirish maqsadida kengroq ta’sir qilish operatsiyalarida sun’iy intellektdan foydalanmoqda», dedi u va ODNI XXRning SI texnologiyasidan «qandaydir maxsus operatsiyalar uchun» foydalanishi tasdiqlangan dalillarga ega emasligini qo‘shimcha qildi.
O‘z navbatida, Eronning ta’sir agentlari, razvedka xodimiga ko‘ra, allaqachon SIdan ijtimoiy tarmoqlarda postlar yaratish va «haqiqiy yangiliklar saytlari sifatida taqdim etilgan saytlar uchun haqiqiy bo‘lmagan yangiliklarni yozish» uchun foydalangan. Eron agentlari tomonidan yaratilgan kontent ingliz va ispan tillarida edi. Bu «siyosiy spektrdagi» amerikalik saylovchilarga qaratilgan bo‘lib, Isroilning G‘azo sektoridagi harbiy amaliyoti va AQSh prezidentligiga nomzodlar kabi qutbli masalalarga to‘xtalib o‘tilgan, dedi rasmiy.
