Xususan, normativ-huquqiy hujjatlarga o‘zgartishlar kiritilib, bolalikdan nogiron bo‘lgan shaxslarni parvarish qiluvchi shaxslarga (ota-onalar va boshqalarga) davlat statsionar tibbiyot muassasalarida davolanish davrida bepul ovqatlanish imkoniyati beriladi.

Shu bilan birga, Respublika ixtisoslashtirilgan otorinolaringologiya va bosh-bo‘yin kasalliklari ilmiy-amaliy tibbiyot markazida "Yuqori nafas yo‘llari a’zolarining fiziologiyasi va patologiyasi", "Eshitish va muvozanat a’zolarining fiziologiyasi va patologiyasi", "Foniatriya va ronxopatiya" ilmiy laboratoriyalari tashkil etilmoqda. Ularning moliyalashtirilishi davlat budjeti mablag‘lari hisobidan amalga oshiriladi.

Vazirlar Mahkamasining "Davlat ilmiy tashkilotlarini O‘zbekiston Respublikasi davlat budjeti mablag‘lari hisobidan bazaviy moliyalashtirishga o‘tkazish to‘g‘risida"gi qaroriga tegishli o‘zgartish va qo‘shimchalar kiritilmoqda.