Livan poytaxti Bayrut shahri chekkasida va mamlakat janubiy hududlarida ko‘plab peyjyerlarning portlashi sodir bo‘ldi, minglab odamlar jarohatlandi.
So‘nggi ma’lumotlarga ko‘ra, jarohatlanganlar soni 2 750 kishini tashkil etmoqda, 8 kishining o‘limi tasdiqlangan. Jarohatlanganlardan 200 dan ortig‘i og‘ir ahvolda qolmoqda.
Axborot agentliklarining ma’lumotlariga ko‘ra, portlash to‘lqini 17 sentabr kuni kunduzi bir soatga yaqin davom etgan. Portlashlar aynan qanday sodir bo‘lgani hozircha noma’lum. Manbalarning qayd etishicha, «Hizbulloh» guruhining muloqot uchun peyjyerlardan foydalanadigan o‘nlab a’zolari jarohatlangan.
رويترز عن مصدر أمني: إصابة المئات من مقاتلي حزب الله بعد انفجار أجهزة اتصال في جنوب العاصمة اللبنانية pic.twitter.com/akKjin9C9S
— حسن اصليح | Hassan (@hassaneslayeh) September 17, 2024
Hospital in Beirut right now ‼️ https://t.co/kmmqB6Kl1L pic.twitter.com/IAYXHv4s7e
— Open Source Intel (@Osint613) September 17, 2024
#بالفيديو... هكذا بدا أحد المنازل في #لبنان بعد انفجار جهاز اتصال لاسلكي "بيجر" في داخله.#لبنان #الميادين_لبنان #الضاحية_الجنوبية pic.twitter.com/u0ZWN1P1Wo
— الميادين لبنان (@mayadeenlebanon) September 17, 2024
«Hizbulloh» qator portlashlar ortida Isroil turganini ta’kidlamoqda. Isroil harbiylari bu ayblovga izoh bermadi.
Yaqin Sharq matbuotining yozishicha, peyjyerlardagi litiy batareyalar haddan tashqari qizib ketishdan portlashi mumkin. Shuningdek, ularning bir vaqtda portlashiga hakerlar sabab bo‘lishi mumkinligini istisno qilmaydi.
Eronning Mehr agentligi xabariga ko‘ra, mamlakatning Bayrutdagi elchisi Mo‘jtaba Omoniy ham yaralangan. Bundan tashqari, peyjyer portlashlari nafaqat Livanda, balki Suriyada ham sodir bo‘lgan.
The Wall Street Journal xabariga ko‘ra, portlagan peyjyerlar yaqinda yetkazib berilgan qurilmalarning yangi partiyasidan bo‘lgan. «Hizbulloh» vakili peyjyerlar qizib ketishi va portlashiga olib kelishi mumkin bo‘lgan dastur bilan zararlanganini taxmin qildi.
Ayrim ma’lumotlarga ko‘ra, so‘nggi oylarda «Hizbulloh» jangarilariga Isroil razvedka xizmatlari kuzatuviga tushmaslik uchun mobil telefonlardan foydalanish taqiqlangan. Guruh a’zolariga statsionar telefonlar va peyjyerlar kabi eskirgan aloqa vositalaridan foydalanish tavsiya etilgan.
