«Ipak yo‘li durdonasi» XVI Toshkent xalqaro kinofestivali boshqa muddatga qoldirildi. Bu haqda festival tashkilotchilari veb-saytida xabar berildi.

Qayd qilinishicha, 15-19 sentabr kunlari poytaxtda o‘tkazilishi rejalashtirilgan kinofestival boshqa sanaga qoldirilgan. Bu boshqa bir qancha yirik tadbirlar, jumladan, futzal bo‘yicha Jahon chempionati, xalqaro forum va konferensiyalar o‘tkazilishi bilan izohlangan. Shuningdek, kinofestival tanlov dasturida ishtirok etish uchun arizalar qabuli to‘xtatilganiga qaramay, (60 dan ortiq davlatdan 400 dan ortiq film), xorijiy mamlakatlardan ishtirok uchun talabgorlar so‘rovi davom etayotgani ta’kidlangan.

Kinofestival tashkilotchilari yangi sana haqida xabar bermadi.