17 avgust kuni Andijon shahar obodonlashtirish bo‘limi boshlig‘i lavozimga tayinlangan shaharning sobiq hokimi Dilmurod Rahmatullayev bir necha kun o‘tib, ishdan bo‘shatildi.

Kun.uz manbasi bergan ushbu ma’lumotni Andijon shahar hokimligi matbuot xizmati ham tasdiqladi. Hokimlik vakilining bizga ma’lum qilishicha, Rahmatullayev sog‘ligidagi muammo tufayli o‘z arizasiga ko‘ra lavozimidan ozod qilingan.

Dilmurod Rahmatullayev 2019 yil iyun oyida viloyat hokimi tomonidan o‘tkazilgan selektor yig‘ilishida qattiq tanqid va haqorat qilingandi. O‘sha yili avgustda o‘ziga nisbatan fitna uyushtirilayotganini aytib, “Buni qoralayman, la’natlayman” deb video e’lon qilgan va shundan so‘ng ishdan olingandi.