Rossiya qo‘shinlari Odessaga ballistik raketa bilan hujum qilib, ikki kishini yaraladi. «Agressorning nishoni port yaqinidagi fuqarolik infratuzilmasi edi», dedi Odessa VHM rahbari Oleg Kiper 14 avgust, chorshanba kuni.

Oqibatda don tashuvchi avtomashina haydovchisi tan jarohati olib, o‘rtacha og‘irlikda kasalxonaga yotqizilgan, shuningdek, portning 39 yoshli xodimi ham jarohat olgan. «Huquq-tartibot idoralari xodimlari rossiyaliklar tomonidan sodir etilgan navbatdagi jinoyat oqibatlarini qayd etishmoqda», — deya qo‘shimcha qildi Kiper.

Xarkiv va Xerson viloyatlarida zarbalar

Shu kuni Rossiya Qurolli kuchlari Xarkiv viloyatining Kupyansk tumanida qishloqdagi xususiy uylarga bir nechta raketa tizimlaridan zarba berdi. Oqibatda yong‘in kelib chiqdi, qutqaruvchilar va o‘t o‘chiruvchilar ish olib borayotgan vaqtda, bir necha bor zarbalar yo‘llandi, rossiyaliklar o‘t o‘chiruvchilarga zarba berishga urindi, deya ma’lum qildi Ukraina favqulodda vaziyatlar davlat xizmati. Unga ko‘ra, qurbonlar va jarohatlanganlar yo‘q.

Xuddi shunday hujum Xerson viloyatida ham sodir etilgan. «Stanislav qishlog‘ida dushman zarbasi oqibatlarini bartaraf etish chog‘ida qutqaruvchilar va mahalliy o‘t o‘chirish bo‘limi xodimlari o‘t o‘chiruvchilarni o‘qqa tutishi natijasida yuzaga kelgan yong‘inni bartaraf etishdi, ular bir necha bor dushman uchuvchisiz uchoqlaridan portlovchi moddalarni tashlab yuborishdi», deya ma’lumot berdi Ukraina favqulodda vaziyatlar davlat xizmati. Natijada 4 nafar qutqaruvchi tan jarohati oldi.