Rossiya janubidagi energiya tizimida 1,5 GW’lik energiya iste’moliga cheklov kiritilgan. Tiklash ishlari olib borilmoqda.

Elektr uzilishi tufayli okkupatsiya qilingan Sevastopol shahri markazida trolleybuslar tirbandlikda turib qolgan, Krasnodarda esa 150 dan ortiq svetoforlar ishlamay qolgan. Taganrog, Elista, Anapa va Armavirda bir qator rayonlar chiroqsiz qolib ketgan.

Shuningdek, Gusinozyorsk GRESida ham energiya bloklaridan birining avariyaviy o‘chishi natijasida Buryatiston va Baykalorti o‘lkasidagi 100 mingdan ziyod aholi chiroqsiz qolib ketgan. O‘chish sabablari o‘rganilmoqda. Ayni paytda energiya tizimi dispetcheri qo‘shni Irkutsk oblastining energiya tizimidan yordam olib, quvvatlarni qayta taqsimlashga harakat qilmoqda, deb yozadi Rossiya OAVlari.