Samarqandda Matiz mashinasi yonib ketdi

Mashina harakatlanib ketayotganida qisqa tutashuv sodir bo‘lgan va oqibatda yong‘in kelib chiqqan.

Foto: Viloyat ekologiya boshqarmasi

Samarqand tumanida Matiz mashinasi yonib ketgan. Viloyat IIB YHXB axborot xizmatining xabar berishicha hodisa bugun 2024 yil 12 iyul kuni soat 16:28 larda sodir bo‘lgan.

Samarqand tumani «Yangiariq» MFY hududidagi ko‘chada harakatlanib ketayotgan Matiz mashinasida qisqa tutashuv tufayli yong‘in kelib chiqqan. Ko‘p o‘tmay olov “Ikromjon Agro-Star” fermer xo‘jaligining g‘alladan bo‘shagan yer maydoniga o‘tgan.

Oqibatda Matiz mashinasi yonib ketgan. Shuningdek fermer xo‘jaligidagi 30 sotix yerda somon qoldiqlari yongan.

Yong‘in haqida viloyat FVBga xabar berilgan. Ikkita yong‘in-qutqaruv bo‘linmasi darhol hodisa joyiga yetib borib olovni o‘chirgan va yong‘in atrofga tarqab ketishining oldi olingan.

Qayd etilishicha, hodisa oqibatida hech kim tan jarohati olmagan va halok bo‘lmagan. Hozirda tergovga qadar tekshirish ishlari olib borilmoqda.

#yong‘in #Samarqand tumani