Toshkentda o‘quvchi qiz sinfdoshlari tomonidan ruhiy zo‘ravonlikka uchragani aniqlandi

Jamiyat 09:12 / 10.07.2024 5617

Toshkent shahri Mirzo Ulug‘bek tumanida o‘quvchi qiz sinfdoshlari tomonidan ruhiy zo‘ravonlikka uchragani aniqlandi. Bu haqda Bolalar ombudsmani xabar berdi.

Ma’lum qilinishicha, Bolalar ombudsmaniga joriy yilning 12 iyun kuni Toshkent shahrida yashovchi fuqaro G.X.dan murojaat kelib tushgan. Unda ayol 2008 yilda tug‘ilgan qizi A.T. Mirzo Ulug‘bek tumanidagi 49-sonli maktabda sinfdoshlari tomonidan ruhiy zo‘ravonlikka uchraganini ma’lum qilgan.

Qizning onasi shuningdek, zo‘ravonlikni bartaraf etish yuzasidan maktab ma’muriyatiga qilgan murojaati e’tiborsiz qoldirilganini bildirib, maktab direktori va sinf rahbariga chora ko‘rilishini so‘ragan.

Bolalar ombudsmani Maktabgacha va maktab ta’limi vazirligiga yuborgan so‘rovi asosida mazkur holat o‘rganilib, Toshkent shahar Maktabgacha va maktab ta’limi boshqarmasi tomonidan 49-sonli umumta’lim maktabi mas’ul xodimlariga nisbatan xizmat tekshiruvi o‘tkazilgan.

Hozirda tekshiruv natijasiga muvofiq sinf rahbari E.U.ga nisbatan intizomiy jazo chorasi qo‘llangan. Shuningdek, maktab direktori R.N. esa ta’lim maskanida yuz bergan bunday vaziyatni boshqara olish malakasi yetarli emasligi sababli malaka oshirish uchun maxsus o‘quv kurslariga yo‘naltirilgan.  

Ko‘proq yangiliklar: