Bugun O‘zbekiston tashqi ishlar vaziri Baxtiyor Saidov boshchiligidagi mamlakat delegatsiyasining Italiyaga tashrifi boshlanadi.

"O‘zbekiston tashqi ishlar vaziri Baxtiyor Saidov boshchiligidagi delegatsiya 28-29 may kunlari Italiya poytaxti Rim shahrida bo‘ladi", – deb yozdi TIV rahbari matbuot kotibi Ahror Burhonov o‘zining Telegram-kanalida. 

Tashrif davomida "Italiya – Markaziy Osiyo" formatidagi uchinchi vazirlar konferensiyasida ishtirok etish va bir qator ikki tomonlama muzokaralar o‘tkazish rejalashtirilgan.

O‘zbekiston TIV rahbari 20-21 may kunlari Ostona shahrida bo‘ldi va Shanhay hamkorlik tashkilotiga a’zo davlatlar tashqi ishlar vazirlari kengashining navbatdagi yig‘ilishida ishtirok etdi. Shuningdek, bir qator ikki tomonlama muzokaralar o‘tkazdi.