Jizzax viloyatida harakatlanib ketayotgan “Nexia-2” mashinasining gazballoni portlab ketgan. Viloyat IIB YHXB axborot xizmatining xabar berishicha, hodisa bugun, 28 may kuni soat 13:00 larda sodir bo‘lgan.

Ijtimoiy tarmoqlarda tarqalgan videolarda mashina bo‘laklanib ketganini va atrofda hatto inson tanasining ayrim qismlari sochilib yotganini ko‘rish mumkin. Mashina haydovchisi va undagi yo‘lovchilarning taqdiri noma’lumligicha qolmoqda.

Qayd etilishicha, hozirda mashinada necha kishi bo‘lgani va unda ketayotgan haydovchi va yo‘lovchilar soniga aniqlik kiritish uchun surishtiruv harakatlari olib borilmoqda.