Rossiya va O‘zbekiston istiqbolli loyihalarni moliyalashtirish uchun 500 million dollarlik qo‘shma sarmoya fondini tuzmoqda, dedi Rossiya prezidenti Vladimir Putin Toshkentga rasmiy tashrifi chog‘ida. 

«O‘zbekistonda ikki mamlakat mintaqalari ishtirokida amalga oshirilayotgan istiqbolli loyihalarni moliyalashtirish uchun umumiy hajmi 500 million dollar bo‘lgan maxsus investitsiya jamg‘armasi tashkil etilmoqda. Bunda Rossiyaning ulushi 400 million dollar bo‘ladi», dedi Putin. 

Uning so‘zlariga ko‘ra, mablag‘lar ajratilgan va tayyorlangan, faqat «texnik detallar» qolmoqda. 

«Yaqin kunlarda bu mablag‘lar respublika iqtisodiyoti real sektorining turli sohalariga yo‘naltiriladi», dedi Putin.