Qozog‘iston hududi orqali Rossiyadan O‘zbekistonga o‘tadigan quvurning o‘tkazuvchanligi kengaytirilishi mumkin. Bu esa tranzit hajmini 11 milliard kub metrgacha oshiradi. Bu haqda Rossiya prezidenti Vladimir Putin Toshkentda Shavkat Mirziyoyev bilan muzokaralar yakunida ma’lum qildi. 

«Markaziy Osiyo – Markaz» quvuri tizimining o‘tkazish qobiliyatini kengaytirish bo‘yicha ishlar olib borilmoqda, bu kelgusi yilda O‘zbekistonga gaz yetkazish hajmini 11 milliard kub metrgacha oshirish imkonini beradi», dedi Rossiya rahbari. 

Putinning so‘zlariga ko‘ra, O‘zbekistonda Rossiyaning energetika kompaniyalari allaqachon faol. 

«Ular neft-kimyo ishlab chiqarish, neftni qayta ishlash va yoqilg‘i ta’minoti bilan shug‘ullanmoqda», deb aniqlik kiritdi Putin.