Germaniya va Shvetsiya harbiy hamkorlikni kuchaytirish niyatida

Jahon 10:48 / 15.05.2024 1308

Germaniya va Shvetsiya hamkorlikni kengaytirish va kelajakda mudofaa va texnologiya sohasida yaqindan hamkorlik qilish niyatida. 14 may, seshanba kuni Stokholmda Shvetsiya bosh vaziri Ulf Kristersson bilan bo‘lib o‘tgan qo‘shma matbuot anjumanida Germaniya kansleri Olaf Shols: «Biz Yevropada energiya almashinuvini ilgari surishimiz kerak va buni xohlaymiz», deb ta’kidladi. Avvalroq ikki davlat strategik sheriklik shartnomasini yangilagan edi.

Kecha Shvetsiyaga ikki kunlik tashrif bilan kelgan federal kansler Shlezvig-Golshteyndagi akkumulyator zavodiga sarmoya kiritayotgan shved ishlab chiqaruvchisi Northvolt haqida ta’kidlab, energiya almashinuvida harakatchanlikning muhim rolini alohida eslatib o‘tdi. Shols, shuningdek, Boltiq dengizi mintaqasining yashil vodorod ishlab chiqarish texnologiyalari sohasidagi salohiyatini ta’kidladi.

O‘z navbatida, Kristersson suvosti texnologiyalari va kibermudofaa sohasida ikki tomonlama hamkorlikni kengaytirish, shuningdek, Yevropaning koinotdagi mavqeyini yaxshilash imkoniyatlarini qayd etdi. «AQSh va Osiyo davlatlari bilan raqobat uchun raqobatbardoshligimizni kuchaytirishimiz kerak», dedi Shvetsiya hukumati rahbari. 

Bloomberg: Shvetsiya muhim infratuzilmani mustahkamlayapti

2024 yilda ittifoqqa qo‘shilgan Shvetsiya Rossiyaning yaqin o‘n yil ichida NATOga hujum qilishi mumkinligidan xavfsirab, mudofaa va elektr tizimini agressiv tarzda mustahkamlashga kirishdi. Bu haqda 24 aprel kuni Bloomberg xabar berdi. Shvetsiya mudofaa universiteti eksperti Vera van Zust agentlikka bergan intervyusida ta’kidlaganidek, Shvetsiyadagi elektr tarmoqlari ko‘plab Yevropa mamlakatlariga qaraganda diversiyaga ko‘proq moyil. Buning sababi Shvetsiyaning janubida yirik shaharlar, shimolda esa gidro va shamol elektr stansiyalari joylashgan. Shu munosabat bilan mamlakatda elektr tarmoqlari 16 ming kilometrga cho‘zilgan.

Rossiya energetika infratuzilmasiga hujum qilgan taqdirda keng miqyosdagi elektr ta’minotidagi uzilishlarning oldini olish uchun Shvetsiya zaxira quvvatini tayyorlashga kirishdi, deya qayd etadi Bloomberg. Shu tariqa, milliy energetika operatori Svenska Kraftnat Shvetsiyaning uchinchi yirik shahri Malmyodagi elektr stansiyasini sotishni bekor qildi. 

Rossiya hujumlari natijasida energiya tizimi og‘ir ahvolda bo‘lgan Ukraina tajribasini hisobga olgan holda, Svenska Kraftnat Stokholm, Gyoteborg va boshqa muhim hududlarni zaxira energiya bilan ta’minlash rejalarini tayyorlamoqda. «Biz inqiroz davrida odatdagidek ishlashni davom ettirish qobiliyatimizni kuchaytirmoqdamiz», dedi kompaniyaning xavfsizlik bo‘yicha bosh direktori Erik Nordman Bloomberg bilan suhbatda.

Ko‘proq yangiliklar: