Qozog‘istonning Kazinform xalqaro axborot agentligi Orient Silk Road Express birinchi lyuks poyezdi xorijlik sayyohlarni O‘zbekistonning tarixiy shaharlari orqali olib o‘tib, Toshkentga yetib kelganini ma’lum qildi, deb xabar qilmoqda "Dunyo".

"Buyuk ipak yo‘li" yo‘nalishi bo‘ylab sayohat loyihasi Germaniyaning Lernidee Erlebnisreisen va Angliyaning Golden Eagle Luxury Trains sayyohlik kompaniyalari bilan hamkorlikda amalga oshirilmoqda, – deyiladi nashrda. – Turistik charter poyezdlari Avstriya, Angliya, Germaniya, Niderlandiya, Indoneziya, Irlandiya, Ispaniya, Kanada, Lyuksemburg, Malayziya, AQSh, Fransiya va Shveytsariyadan kelgan sayyohlarga xizmat ko‘rsatadi".

Nashrda ta’kidlanishicha, joriy yilda 14 ta turistik poyezd O‘zbekiston shaharlari bo‘ylab harakatlanadi.

"Ushbu poyezdlardan bittasi sayyohlarga xizmat ko‘rsatishni tugatib, Toshkentga yetib keldi. Ikkinchisi hozirda Samarqandda sayyohlarga xizmat ko‘rsatmoqda" – deb yozgan Kazinform.